貓兔爬蟲類周六日待領養

koko

貓兔爬蟲類周六日待領養
(明報) 2014年09月05日

【明報專訊】漁護署電視宣傳短片，狗主要為隻狗冲涼、梳毛、剪甲甲，外出放狗要收拾狗屎，旁白亦提醒市民﹕「想清楚了，才養吧！」若果你已諗清楚，決定收養被人遺棄嘅寵物或無人認領嘅動物，今個周六、周日一連兩日中午12時至晚上7時，可到荃灣愉景新城第一層天幕大堂參加「寵物領養日」，揀番隻貓貓、白兔或爬蟲類返屋企。





呢項活動免費，由漁護署與伙伴機構合辦，旨在鼓勵市民領養被遺棄或無人認領嘅動物，同時推廣做個盡責主人嘅信息。漁護署從被人遺棄嘅寵物或無人認領嘅動物之中，挑選性情溫馴同健康嘅，送去伙伴動物福利機構供市民領養。





為免嚇親場內小動物，市民唔好帶狗入場，協辦構機包括香港兩棲及爬蟲協會、香港兔友協會、終身庇護動物慈善組織、南丫島動物保護組織及愛護動物協會。