141: 拍卡: 用張卡放係地下，可以係YES 卡或其他公仔卡。用手係卡邊大力一拍，造成既風會令卡翻轉，翻到就贏，如果人地翻到你果張，你果張就會變左人地既卡喇。拍卡都好有技巧，例如雙手拍果時要輕輕”谷”起，咁樣易拍出風；其次會將d卡微微向下屈曲，令卡既兩邊唔會趬起，冇咁易被吹反。
142: 造假幣: 硬幣仲有一種玩法，將白膠漿倒上面，之後風乾佢幾日，一係就拎去吹下冷氣等佢快dd乾，乾晒之後佢會變透明，meet落黎又變左一個個晶瑩剔透既錢。
143: 揸lift人: 搭lift既時候, 趁無人, 自己出lift之前按所有層樓既制。
144: 織女: 女仔好鍾意買d繡花線, 織手繩比心儀既男仔. 以前d女仔好鍾意上堂貼左手繩頭, 係咁織, 比d男仔話間課室變左庇護工場。
145: 朝夕相對: 將d偶像海報, 夾響課本同包書膠之間。
146: 眾裡眾他: 寄同學仔d相上yes 既「眾裡眾他」或者選校花校草。
147: 畫鬼臉: 上堂唔留心, 將教科書入面d公仔, 頭上畫兩隻角, 加d長犬齒。
148: 三分射手: 坐響自己位, 隔遠將搓埋一舊既紙, 當射三分咁射入課室垃圾桶。
149: 小心扒手: 小學排隊上課室, 放學, 最鍾意趁前面既同學唔為意, 拉開佢地既書包拉鍊,拎入面d 野出黎。
150: 人多擠迫: 排隊時扮晒迫推黎推去。
151: 眼甘甘: 望住對方鬥唔眨眼。
152: 釘書釘鎖鏈: "禁"晒釘書機D釘出黎，然後一粒一粒勾返起佢地，穿成一條鏈。同樣地用萬字夾都做到相同效果。
153: 四州印水紙: 5毛子一粒既四洲吹波膠會送一將印水紙，但通常效果好差，加左水乾左之後就會好似瘀左咁，一d都唔似紋身。
154: 反照: 利用陽光黎用鏡反射對面單位，路人。
155: 佳麗寶吹波糖: 每包糖內有一張公仔咭，由一至一百儲齊一百張可換巨獎，不過儲齊一百張在普通人來講係冇可能之事。吹波糖內除左可以吹波外，又可以由兩個人將粒糖拉開變成一大片，非常神奇。
|
發表於 2009-10-12 10:05
| 