【明報專訊】高登網友整咗件「禮義廉」T恤，好多老友都話正，但因為畀民建聯 投訴，搞到海關 扣查。最近就有網民「大報復」，搵番民建聯喺2008年立法會 選舉嗰陣既一段宣傳短片，話同加拿大 一個廣告橋段九成九相似，更加有人去信知識產權署 投訴，要求當局跟進。
指08年宣傳片抄加拿大廣告
Emily睇番民建聯段選舉廣告，內容係講有班人搭緊行人電梯，突然條電梯壞咗，乘客全部企晒係度，聲大夾惡要搵人修理，之後曾鈺成 、譚耀宗 、劉江華 一班候選人出場，用隔離條樓梯行上樓。個廣告寓意香港人大吵大鬧無用，不如辛苦行多幾步，好過停滯不前！
網民Wanky踢爆，話呢個電梯廣告仲未播出之前，早喺2007年加拿大一個健康食品公司就已經玩過呢條橋，民建聯極有可能係侵犯呢間公司版權喎！Wanky前日已經去信知識產權署，要求對方嚴肅處理，10日內交代調查進展。佢仲話﹕「民建聯作為香港最大政黨，其身不正，抄橋拍廣告！」
譚耀宗稱全由公關策劃
Emily問過民建聯主席譚耀宗，佢話當年嘅選舉廣告全部由公關公司策劃，佢口地都係照對方安排做，唔知道外國有個類似廣告。讀者如果想睇吓民建聯有無「侵權」，可以去下面網址比較吓。
■民建聯選舉廣告：http://www.youtube.com/watch?v=y ... ure=player_embedded
■加拿大健康食品廣告：http://www.youtube.com/watch?v=FSIkjNaICsg
. |
發表於 2010-2-19 19:32
| 