麥兜貝貝 濕地公園賀新年

twintwin

【明報專訊】香港濕地公園將於年三十（2月13日）至年十五（2月28日）舉行濕地文化節，到時人見人愛嘅麥兜將與港人熟悉嘅灣鱷「貝貝」獻上新年祝福，年三十至初八期間，更會派發限量版紀念品，為一家大細帶來豐富的濕地之旅。


派限量紀念品

濕地公園教育及社區服務經理馬嘉慧話，文化節舉行期間，濕地公園嘅人類文化展覽廊會放映全新製作嘅「麥兜‧在濕地上」短片，片中Miss Chan會向麥兜解說為何中文字「家」與麥兜同濕地有着源遠流長嘅關係。想知點解，就要入場嘞。

為方便市民，除咗初九（2月22日）例行休館外，濕地公園舉行濕地文化節期間無休，大年初一至初七仲有話劇睇，講各種濕地生境面臨嘅威脅。市民亦可參加導賞活動，除咗欣賞美景，仲可近距離觀看不同的濕地生境，認識濕地動植物。

■有關節目詳情可瀏覽網頁http://www.wetlandpark.com。